Ndarja e Bora Zemanit nga Donald Veshaj pasi ky i fundit zgjodhi të niste një lidhje me Beatrix ka bërë bujë të madhe në opinionin publik. Të shumta kanë qenë aludimet që ndarja erdhi pasi Borës nuk iu lejua nga produksioni i Big Brother VIP që t’i dërgonte Donaldit një shenjë që po e priste jashtë.
Akuzat kanë qenë ndaj Lori Hoxhës kryesisht, e cila nuk ka reaguar lidhur me këtë. Lori është parë në festën e ditëlindjes së Borës bashkë me Sarën. Në kohën që Sara po bënte urimin për Borën, Lori është kapur duke bërë një mimikë pak tallëse. Kjo video ka qarkulluar me shpejtësi në rrjet, ku ka sjellë edhe reagime të ashpra nga qytetarët.
Kujtojmë që Lori një ditë pas bashkimit të bujshëm në Big Brother mes Borës dhe Donaldit ka publikuar foton e një filxhani kafeje, ku me nota humori shkruante: “Mirëmëngjes vetëm Bora Zemanit!”.