Murati thotë se 100 eurot janë ndihmesë e madhe për familjet kosovare: Tërheqja e mjeteve nga Trusti shkakton precedent të rrezikshëm

Min istri i Financave, Punës dhe Transfereve, Hekuran Murati, vlerësoi se shuma prej 100 euro do të jetë një ndihmesë e madhe për familjet në Kosovë.

“Mesatarisht një familje në Kosovë do të përfitojë 200 deri në 400 euro, varësisht se sa anëtarë përfitojnë. Raste të tilla të mbështetjes ka në Francë dhe Gjermani, që i kanë mbështet qytetarët në mënyrë direkte”, theksoi ai.

Për mundësinë e tërheqjes së mjeteve nga Trusti, Ministri i Financave, Punës dhe Transfereve, Hekuran Murati, tha se është rrezik për të.

“Kjo do të shkaktonte precedent të rrezikshëm, pra po vërtetohet ajo që e kemi thënë edhe më parë për Trustin. Ky fond nuk do të mund të ndihmojë ato familje që kanë nevojë”, tha ai.