Ditët e fundit martesa e Bes Kallakut dhe Xhensila Myrtezajt ka qenë në qendër të vëmendjes së mesdiave rozë dhe fansave të artistëve, por për arsyet e fabuara. Kështu, burime nga disa media kanë konfirmuar se marrëdhënia e tyre është në krizë, madje edhe janë ndarë e nuk jetojnë më në të njejtën shtëpi, ndërkohë që veprim i fundit i Besit në Instagram, fshirja (ose arkivimi) i fotove me bashkëshorten sikur i ka “hedhur më shumë benzinë zjarrit”.
E ndërsa aktori i humorit e ka bërë “reagimin” e tij pa fjalë, tani ka ardhur edhe reagimi i parë i këngëtares, sigurisht jo në mënyrë të drejtpërdrejtë sepse publiku “vdes” për gjaegjëza dhe pikërisht një të tillë na ka dhënë edhe Xhensila.
Në postimin e fundit në Instagram të disa momenteve më parë, bashkangjitur me disa foto të saj, Myrtezaj shkruan: “THE BIGGEST LIAR IN THE WORLD IS “ THEY SAY”. Që në shqip është “Gënjeshtari më i madh në botë është “Ata thonë”, si për shembull: “Ata thonë që Besi dhe Xhensila janë ndarë”.
Pra gjaegjëza e Xhensilës do të thotë që ndarja e aluduar është gënjeshtër dhe nuk ka krizë në martesën e tyre. Gjithesi ne do jemi në pritje të zhvillimeve të reja…